mido eng عضو مميز
رقم العضوية : 10 عدد المساهمات : 141 نقاط : 261 السٌّمعَة : 5 تاريخ التسجيل : 06/01/2010 العمر : 36 الموقع : juba.hamdy@yahoo.com العمل/الترفيه : طالب بكلية الهندسة قسم الكهرباءpower
| موضوع: سندريلا استايلش الأربعاء 5 مايو - 23:14:26 | |
| سندريلا مرات الاب : بت يا سندريلا اصحى يا بت جاك خابطه فى نفوخك
سندريلا : اييوه يا مرات ابويا خمسه اخطف حلم سريع بس وحقوم
مرات الاب: قومى يا بت قامت قيامتـك
وصحيت سندريلا وهى بتأفأف وتفتــف من البرد
مرات الاب : يـاله قومى اكنسـى وامسحى على ما نيجى
سندريلا : وانتو رايحين فين ان شاء الله ومتزوقين كده وكل واحده عامله نيو لوك روش
مرات الاب : رايحين حفله الامييير اللى حيختار واحده عشان يتجوزهـا بس ماحدش عارف كده
سندريلا : خدونى معاكو انا عاوزه اروح بليز بليييييييز
مرات الاب : ايه بليز دى جاتك القرف في بنت محترمه تقول الكلمه دي وتروحى فين يا هبلة بلبسك المهرول ده انا عايزه ارجع الاقى البيت بيبرق من نظافته
ومشيت مرات الاب وبناتهاالخمسة وقعدت سندريلا تعيـط وتوأوأ اه توأوأ في حاجه دي
وفجــأه طلعتلها الســاحره من البوتاجاز الايديال زانوسي خمسه شعله ابو عيون زرقا
الساحره : مالك يا سندريلا
سندريلا : كان نفسى اروح معـاهم الحفله بتاعة عمرو دياب قصدي الامير بس لبسى مقطع و موبايلى مفهوش كريدت كنت اتصلت بامينه شلبايه اجرت فستان وكمان لابسه شبشب بصباع
الساحره : ولا يهمك يا سندرلتي
وطلعت الساحرة من جيبها الموبايل وطلبت مدام لولو عشان يبعتو فستان وجزمه اخر موديـل
فرحت سندريلا ولبست وحطت الايشادو و الجليتور ورشت البرفان
بس الساحره قالتلها : قدامك للساعه 12 لازم ترجعى والوقت كالحبل ان لم تقطعة ربطك وكعبلك انا صعيديه ودمى حامى ومعندش بنات تتأخر و لو اتأخرتى حترجعى زى ما كنتى بلبسك القديم وشبشبك ابو صباع وسط الناس ..
سندريلا : حاضر حاضر اما ساحره نوبيه صحيح
سندريلا من البيت لقت الساحره مجهزة عربية بي ام دبليو ركبت سندريلا وراحت ع القصـر
اول ما نزلت من العربيه لفتت انتباه كل اللى الموجودين و اول ما عين الامير وقعت علي صندلها راح وطلب يرقص معاها و.. وافقــت نظرات ... همسات .... صمــت ........ حــــب ترررررررررن ترررررررررررن "ياطب طب يادلع يايقولي انا اتاخرت عليه"
سندريلا : ده الساحره بتدينى ميسد كول .. يا خبر الساعه 12
وقامت طالعه تجرى وقال ايه ... وهى بتجرى فرده الجزمه اتخلعت.. و خدها الامير المعجب و نده للوزير هيثم
الامير : يا وزير
الوزير : امرك ياتوتو يامولاى
الامير : خد الجزمه دى اسحبلى صورتها اسكانر و نزل صورتها فى كل الجرايد و ع الفيس بوك وعلى قناة ميلودى افلام واكتب الى صاحبه هذه الجزمه التوجهه للقصـر الملكــى فوراااااااااا
بنات كتير جدا راحو و يا سبحان الله الجزمه مجتش على مقاس حد فيهم (قال يعنى سندريلا مقاس رجليها رجل معزه ) ولا يمكن مفصلي الجزمه تفصيل ماعلينا.
وبعد كده شافت سندريلا الاعلان عن فرده الجزمه على ام بى سى ثري MBC3 مع انه معملش اعلان خالص على القناة دى
وهربت سيندريلا من البيت طبعا بعد مطاردات مرات ابوها ليها بالموتوسيكل الراس لكن الاسكوتر بتاع سيندريلا كان اسرع طبعا ولما وصلت القصر تزوجت هى والامير وعاشو فى تبات ونبات و خلفو تؤام واحد ابيض و التانى اسمر عجوه وشويه بنات والحياة بقت بمبى بمبى بمبي بمبي بمبي
| |
|
mido eng عضو مميز
رقم العضوية : 10 عدد المساهمات : 141 نقاط : 261 السٌّمعَة : 5 تاريخ التسجيل : 06/01/2010 العمر : 36 الموقع : juba.hamdy@yahoo.com العمل/الترفيه : طالب بكلية الهندسة قسم الكهرباءpower
| موضوع: رد: سندريلا استايلش السبت 3 يوليو - 7:21:24 | |
| يعنى مشفتش حد ضحك على القصة هى مش حلوة ولا اية هههههههههههههههههههههههههههههههههه | |
|
محمد عوض Admin
رقم العضوية : 1 عدد المساهمات : 200 نقاط : 392 السٌّمعَة : 1 تاريخ التسجيل : 04/09/2009 العمر : 28 الموقع : محمد عوض العمل/الترفيه : طالب بالصف الثالث الاعدادى
| موضوع: رد: سندريلا استايلش الأحد 11 يوليو - 9:56:08 | |
| ههههههههههههههههههههههههههه حلوة خالص | |
|